Околу 19:50 часот вечерва, во близина на хотелскиот комплекс „Инекс“ и претседателската вила во Охрид, било пронајдено тело на маж без знаци на живот, потврдија од МВР. Полицијата веднаш го обезбедила местото со ленти, а на терен пристигнале и итна медицинска помош и форензички тимови за собирање траги.
Присуството на полиција и истражители предизвика вознемиреност кај минувачите и туристите, бидејќи телото било лоцирано на чувствителна локација – во близина на објект од државно значење.
Засега не се открива идентитетот на починатиот ниту околностите под кои настапила смртта. Од СВР Охрид најавуваат дека повеќе информации ќе бидат објавени по завршување на увидот и по насоки од Обвинителството.
