Чисто е убаво – Охрид селектира!
Градскиот плоштад вчера беше полн со музика, насмевки и стотици граѓани кои се вклучија во pop-up настанот „Чисто е убаво – Охрид селектира“!
Децата и возрасните учеа преку игра за селекција и правилно управување со отпад, а наставниците и учениците од основните училишта, волонтерите од Црвен Крст, Збогум Буково, како и ЈП „Охридски Комуналец“ и Општина Охрид беа таму да водат, објаснат и мотивираат.
Овој настан е дел од кампањата „Чисто е убаво – селектирај“, нова платформа која ги обединува институциите, хотелите, угостителите, маркетите, училиштата и граѓаните во една заедничка цел – почист и поубав Охрид.
Голема благодарност до сите кои беа дел од настанот и ја ширеа пораката дека:
Чист град е убав град!
***
Настанот е организиран со поддршка од проектот „Одржливо управување со отпад на локално ниво“, финансиран од Шведска и реализиран од SALAR International.
