Ве информираме дека на 23.3.2025 (Недела), со почеток во 11:00ч., ќе се одржи мирен собир на Градскиот плоштад во Охрид, во организација на сите Универзитетски Здруженија (УЗ) и Студентски Собранија од сите факултети на Универзитетот во Охрид, како израз на почит и солидарност за загинатите во Кочани.
Собирот има за цел да пренесе почит и да ја истакне важноста на хуманоста, како и да се изрази сочувство за семејствата и заедницата погодени од трагичниот настан.
Програмата ќе се одвива во два дела:
● Од 11:00 до 12:00 часот: Запалување свеќи, потпишување во книга на жалост и полагање цвеќе.
● Од 12:00 до 13:00 часот: Едночасовен молк во чест на жртвите.
Сите заинтересирани граѓани, студенти и институции се поканети да учествуваат и да го поддржат овој важен настан.
За регуларноста на настанот ќе се грижат редари, облечени во сигнални елеци со жолта и портокалова боја и сулфурни траки.
Ги покануваме сите медиуми да го проследат овој настан и да ја пренесат пораката за солидарност и сочувство до јавноста.
