На 4-ти март 2025 година, во спортската сала „Зоран Стојановски“ во Ресен, започна со работа Таеквон-до клубот ГЕБЕК, под водство на Божидар Димитриевиќ, црн појас втори дан.
Божидар е долгодишен натпреварувач во рамките на репрезентацијата на Македонската Традиционална Таеквон-до Федерација и има освоено бројни награди, вклучувајќи сребрен медал во Борби на Европскиот куп во Софија 2024, како и статус на четвртфиналист на Светското првенство во Пловдив 2019.
Тренинзите се одржуваат секој вторник и четврток од 16:00 до 18:00 часот во спортската сала „Зоран Стојановски“ на улица Иво Лола Рибар во Ресен. Одзивот на нови членови е повеќе од очекуван, со тоа што доминира женската популација, а клубот веќе има доста талентирани спортисти. Според изјавата на Божидар Димитриевиќ, тренерот на клубот, клубот има светла иднина, а за кратко време се очекува да стане познат во спортскиот свет.
Тој исто така се заблагодари на претседателот на М.Т.Т.Ф, Марјанчо Лазаревски, и на демонстративниот тим за големиот успех во привлекувањето на нови членови, како и на Вик Каккаротски за медиумската покриеност.
Уписите за членство се во тек, и сите љубители на овој спорт, без разлика на возраст, пол или вероисповед, се добредојдени да се приклучат. Клубот прифаќа членови во сите возрасни групи, од 7 до 77 години.
