Општина Охрид, во рамки на своите инклузивни политики, постојано работи на унапредување на условите и услугите со цел создавање локална средина во која секој граѓанин има еднакви можности за остварување на своите права.
По повод Меѓународниот ден на лицата со посебни потреби – 3 декември, ја потенцираме нашата постојана определба за подобрување на квалитетот на живот во оваа општествена категорија.
Во изминатиот период беа преземени низа мерки и беа релаизирани проекти насочени кон подобрување на пристапноста, поддршката и вклученоста на лицата со посебни потреби во Охрид:
➡️Општина Охрид и Здружението на граѓани ВООПС, преку повикот на Министерството за труд и социјална политика обезбедија воспоставување на Дневен центар за лица со попречености на територијата на општината. Центарот функционира по сите стандарди, со сите потребни стручни лица во него, со што значително се олесни животот на лицата со посебни потреби и нивните семејства. Просториите кои ги користи овој центар се сместени во објектите на поранешната касарна. Во овие простории претходно функционираше Игротека за деца со посебни потреби, која беше опремен со средства преку Програмата за развој на Обединетите нации (УНДП).
➡️Поддршка на Дневниот центар на лица со интелектуална попреченост – Зраци и Дневниот центар за згрижување на лица со попреченост во рамки на црквата ,,Св. Ѓоргија’’ Охрид – Добротољубие.
➡️Во рамки на проектот ,,Од граѓаните за заедницата од заедницата за граѓаните”- Отворени можности за еднакво образование за сите деца, во соработка со УНДП ангажирани се образовни асистенти во средните училишта кои работат со ученици со потешкотии во развојот.
➡️За прв пат воведовме и веќе четири години доделуваме стипендии за ученици, студенти, магистранти и докторанти со ретки болести и посебни потреби. Охрид е првата општина во Македонија која реализираше ваков проект.
➡️Доделуваме еднократна парична помош на семејства со дете со тешка попреченост во училишна возраст кое не е примател на стипендија или друга помош од општина Охрид.
И во текот на наредниот период продолжиме континуирано и посветено да работиме во насока на негување на солидарноста и да создаваме услови за еднакви можности за сите.
