Оваа сабота(09.11.2024) во 12.00ч. ќе имаме можност да се дружиме, запознаеме, консултираме, ислушаме, согласиме, да не се согласиме па да дискутираме за потребата итно да се интервенира за соодветно затворање на Буково и Мауцкер сите заедно како заедница!
Сите Охриѓани и граѓани од околината, следната сабота на градскиот плоштад во Охрид ќе добиете можност да се информирате за штетните ефекти на дивите, нестандардни депонии врз нашето здравје, што значи постоењето на стандардна депонија и ќе може, доколку сакате, официјално да дадете поддршка на иницијативата #збогумбуково којашто досега е поддржана од над 50 организации, месни заедници и голем број на граѓани.
Ова е нашиот дом, овде нашите деца постојат, овде ние имаме најмногу право да бараме здрава животна средина, овде и секаде, без здравје, сѐ е ништо!
