Семеен инцидент во Охрид: жена физички го нападнала сопругот
На 29 ноември 2025 година, во 16:20 часот, во СВР Охрид е пријавено дека жена во семејниот дом физички го нападнала својот сопруг.
Полицијата извршила целосно документирање на настанот, по што ќе биде поднесена соодветна пријава против сторителката.
Охриѓанец со повреди од остар предмет донесен во болница, полицијата работи на случајот
Во СВР Охрид утрово било пријавено дека во Општата болница во Охрид е донесен 34-годишниот С.М. од Охрид, кај кого биле констатирани повреди нанесени со остар предмет, соопштува МВР.
Пријавата била поднесена на 30 ноември 2025 година во 07:45 часот.
Од полицијата информираат дека се преземаат мерки за целосно расчистување на случајот и утврдување на околностите под кои настанале повредите.
ПОЛИЦИЈА УПАДНА ВО КАФУЛЕ: Точеле алкохол на малолетници
Полициска контрола во угостителски објекти во Охрид откри дека на малолетници им се точело алкохол. Рациите биле спроведени доцна ноќеска, околу 00:50 часот.
Службениците влегле во кабаре на булевар „Железничка“ и во уште еден објект на улица „Кузман Јосифоски Питу“. Таму биле затекнати малолетници на кои им било овозможено да консумираат алкохолни пијалаци.
Поради ова прекршување, сопствениците и одговорните лица ќе се соочат со сериозни законски последици, вклучително и кривична одговорност.
Од СВР Охрид велат: „При контрола во кабаре на булевар „Железничка“ и во угостителски објект на улица „Кузман Јосифоски Питу“, утврдено е присуство на малолетници на кои им било овозможено точење и консумирање алкохол. По целосно документирање на настанот, против правните и одговорните лица ќе бидат поднесени пријави согласно член 21 од Законот за прекршоци против јавниот ред и мир и член 204 од Кривичниот законик.“
