Регистриран како кафе бар, а работел како ноќен клуб со малолетници. Ова го открил пазарниот инспекторат од Охрид, при нивната контрола деновиве на вкупно шест објекти во Охрид, од кои еден диско клуб, три кабареа и два ноќни клубови. На три од нив им е изречена забрана за работа се до исполнување на минимално техничките услови. Тоа значи дека Охрид ќе остане без неколку ноќни клубови и кабареа, кои минатите години беа атрактивни особено меѓу младите.
„Во Охрид се исконтролирани без исклучок сите објекти, кои што претставувале ноќен клуб, кабаре, или дискотека, затоа што сите во Охрид за разлика од другите градови плаќале лиценца. Како ја добиле, дали требало да ја добијат, дали исполнувале услови, тоа треба да прашаме за минимално технички услови кои се доставуваат во пазарната инспекција, која ги одобрува. Охрид реално ќе остане евентуално со два објекти,или можеби со три, неможам точно да проценам, бидејки не сум јас тој кој ќе ги мери димензиите, кои што исполнуваат лиценци“ – Кирил Пецаков-градоначалник на Охрид.
Претседателот на Хотелската асоцијација на Македонија, Крсте Блажески, вели дека, по трагичниот настан во Кочани, се зголемила претпазливоста кај сите угостители. Тврди дека сите хотели располагаат со противпожарни апарати.
„Тие што имаат такви противпожарни елементи за заштита да ги проверат истите, но исто така, и тие што ги немаат истите да стават голем прашалник, да можат да набават и да ги имаат истите. Само што има еден недостаток во моментот на противпожарни апарати, што значи дека имало многу објекти кои биле или застарени или ги немале воопшто. Треба да се поминат сите објекти, особено оние диви објекти, бидејки никој не ги проверува, а постојат како такви и работат“ – Крсте Блажески-претседател на ХОТАМ.
Од Пазарниот инспекторат во Охрид велат дека деновиве ќе стартуваат со контрола и на хотелските капацитети. Од пазарниот инспекторат во Струга велат дека на подрачјето на Струга не биле регистрирани ноќни клубови или кабареа, додека од понеделник ќе почнат со контрола на сите регистрирани хотелски објекти и други објекти за свадби.
Извор: Алсат
